Тарни

Тарний тухай Буддын шашин талаас нь тайлбарласныг энд орууллаа. Дараа энэ талаар бусад юу өгүүлснийг толилуулах болно. 

Тарни унших нь бясалгалын нэгэн үндсэн арга юм. Тийм ч учраас тарни байнга унших нь урт удаан хугацааны туршид хийгдэх бясалгал мөн бөгөөд бясалгал нь сэтгэхүйгээ байнга дасгалжуулснаар хүний далд ухамсарын нууц агуу их хүчийг бий болгох явдал мөн билээ.

Бурхан бүр тусгай тарнитай байхын хамт судрыг хураангуйлж тарнид үр шимийг нь багтааж болдог, мөн судрыг аялгуулан унших нь тарни лугаа адил үүрэг гүйцэтгэдэг юм. Зарим хүн бидний тарни гэж нэрлэдэг зүйлийг барууны номонд огт сонсоогүй мантра гэсэн үгээр томъёолсон байхыг хараад хоёулаа санскрит үг болохыг мэдэж учрыг нь олохыг хүсч болох юм. Тэгвэл нь тарни гэдэг нь санскритын дхарини гэсэн үгнээс үүсэлтэй бол мантра нь тарнийн өөр нэг дуудлага мөн бөгөөд үгийн үндсэн утга нь нэг гэдгийг мэдэх хэрэгтэй. Хэрвээ тарни гэдэг үгийг утгачилан орчуулбал манай шившлэг гэсэн утгатай дүйх бөгөөд шившлэгийг бөөгийн шашинд хэрэглэдэг бол тарни буюу мантраг Бурханы шашин, Хиндуйзмын шашинд тус тус хэрэглэдэг юм.
Тарни нь бүгдээрээ хүний сэтгэцийг нуугдмал хүчийг сэргээх нэг үндсэн зорилготой байхын хамт тодорхой зүйлд тусгайлсан үүрэг гүйцэтгэдэг байх нь ч бий. Шавь хүн багшаас сахил санваар авч Бурханы сургаалын үндсэн хөтөлбөрийг үзэхийн хамт тарни, судар унших эрх олж авах ба судар цээжлэхийн хамт өдөр бүр тодорхой цагаар тарни унших шаардлагатай болдог Хуучин сонгодог уламжлалын дагуу сүм дацангийн сургалтаар хичээллэвэл олон жилийн нөр их ажил болох бөгөөд түүнийг гэрийн сургалтаар арай хураангуйлан сургадаг ёс ч бас байжээ.
Ер нь Бурханы шашны гол үндэс нь увидасын чадлыг эзэмших явдал байх бөгөөд лам нар үүнийгээ гол нь биш гэж хэлдгийн учир дан шид хөөх нь өрөөсгөл болохыг л шүүмжлэх үүднээс хэлж байгаа болохоос биш үнэн чанартаа агуу гайхамшигт шидийг олох нь бурхан болохыг нэг үндэс мөн билээ.
Тэгвэл тэрхүү шидийг олох нь тарни унших явдал мөн бөгөөд шидийн оньсон түлхүүр тарнид агуулагдаж байдаг юм. Бурханы шашны бясалгалын гол нь тодорхой дасгалжуулалтын явцад тарни унших явдлаар тодорхойлогдоно. Жишээлбэл, биеийн хүрдээр хий гүйлгэх бясалгал хийхдээ таван хүрд тус бүрд орших бурхадыг сэтгэлдээ төсөөлж тэдгээрийн судлаар дамжуулан хий гүйлгэж язгуурын таван бурханы тарнийг унших ёстой бөгөөд үүний тулд урд нь хий гүйлгэх энгийн аргачилал болон тарнийн бясалгалаар биеэ бэлдсэн байх ёстой. Өөрөөр хэлбэл, нэг буюу хэд хэдэн тарнийг өдөр бүр тодорхой цагаар тогтмол уншвал тэр уншилт нь хүний далд ухамсарт нөлөөлдөг.
Үүний тулд бид ил ухамсарын тогтонги бус чанарыг тогтоон барьж сурах ёстой бөгөөд энэ нь бясалгал хийхээр суух үед орж ирэх хорвоо ертөнцийн элдэв зүйлийг сэтгэлээсээ бүрэн зайлуулж сурах ёстой мөн. Энэ нь тарни бясалгалаар өөрийн болон өрөөлийн далд ухамсарт нөлөөлөх үндэс болж өгдөг. Нэгэнт тарни уншсанаар далд ухамсарын нууцлаг хүч чадлыг сэргээж чадвал хүний сэтгэцийн гайхамшигт их нөөц бололцоо нээгдэх бөгөөд энэ нөөц нь үнэндээ шавхагдашгүй юм. Жишээлбэл, Бурхан багш агаарт хэвтдэг, явдаг, хөөрөн нисдэг байсан гэдэг. Тэгвэл бурхан багшийн энэ чадвар нь түүний шидийн хамгийн доод болон дээд түвшин нь биш болох нь тодорхой билээ.
Тарни бясалгаад ямар төвшинд анх хүрснээ мэдсэнийг нэгэн тарнич хэлэхдээ ханиад хүрсэн үедээ аягатай архинд тарни шившээд энгэр рүүгээ цацсанд удалгүй эм тан хэрэглэхгүйгээр маргаашаас нь өвчин нь эдгэрч эхэлсэн гэж хэлж байлаа. Өөр нэг тарнич нилээд хугацаанд бясалгал хийж тарни тоолж судраа уншаад багшийн айлтгалаар айлд очиж ном уншиж өгсөнд нөгөө хүний эрүүл мэндэд миний уншилт хэд хоногийн дараагаар илт нөлөөлөхийг хараад ихээхэн гайхсан гэж хэлж байсан юм. Тэгэхээр тарни бясалгал нь хүний далд ухамсарын энергийг сэргээж өгсний үндсэн дээр тэр энергийг тарнийн тусламжтайгаар ойр ба алс хол зайнд илгээж бусдын сэтгэцэнд нөлөөлж болдог ажээ. Хэрвээ тарнич бусдын далд ухамсарт нь хэрэв зээ нөлөөлж чадаж гэмээ нь тэрхүү нөлөөлсөн хүнийхээ хувь заяанд эерэг ба сөргөөр нөлөөлөх боломж бий болдог байна.
Тарни бүтээх ёсон:
Тарни бүтээх ёсон буюу тарнийн бясалгал байдаг. Тийм ч учраас Бурханы шашинтай аль ч улс гүрэнд очсон, сүсэгтэн хэн боловч өөрөөр хэлбэл лам ч бай, хар ч байж гартаа эрх барьж амандаа тарни уншиж явах нь түгээмэл зүйл ээ. Байдал нэгэнт ийм болохоор "Тарни гэж чухам юу юм бэ? Хүнд ач холбогдол өгдөг юмуу, үгүй юмуу" гэсэн асуулт цагийн шинжлэх ухааны боловсролтой хэн бүхэнд төрөх нь зайлшгүй бөгөөд үүнд хариулт өгөх нь Буддизмын эртний уламжлалд суурилсан Монгол хүний хувьд тийм ч хэцүү биш юм шиг хирнээ яг үнэндээ учир шалтгааны нарийн зүй тогтлын дагуу шинжлэх ухааны оновчтой бүрэн гүйцэд хариулт өгөх явдал бол мэргэжлийн лам хүний хувьд ч, ер нь хэнд болов тийм ч амар биш, бэрх юм.
Юуны өмнө тарни гэдэг маань юу юм бэ? гэвэл Бурхан багшийн сургаалын бичил хураангуй гэж ойлгож болно, Тэгэхээр Бурхан багшийн айлдсан 108 боть ганжуурыг хураавал ердөө л "УМ МА НИ БАД МЭ ХУМ" гэсэн ганц тарни болно гэдэг. Зарим хүн үүнийг өнгөц сонсоод тарни их уншвал судрын үг утга нь сэтгэлд аяндаа төрөх юм шиг гэнэхэн төсөөлж болохгүй. Тэгэхээр тарнийн тухай арай үндэстэй ойлгох ёстой бөгөөд түүний тулд Бурханы сургаал нь судар ба тарни гэсэн хоёр үндсэн хэсгээс бүрдэнэ гэдгээс эхлэх ёстой. Дээр өгүүлсэнчлэн, бид судраа цомхотговол цөөн мөртэй тарни болдог, тарнийг дэлгэрүүлбэл, судар болдог төдийгүй судар нь үнэн зөв мэдлэг эзэмших арга зам бол тарни гэгч нь увидасыг олох арга зам юм: Бурхан багш сургахдаа судрыг эхэнд номлосны учир гэвэл эхлээд хорвоогийн үнэнийг танин мэдэх хэрэгтэй, дараа нь хорвоогоос тонилохын увидаст суралцах хэрэгтэй гэсэн бөгөөд энэ учир шалтгааны улмаас судар нь хорвоог хүлээс гэж үзээд түүнээс ангижран аврагдах замыг таниулж өгсөн сургаалын цогц бөгөөд энэ ч утгаараа судар нь хүний ил ухамсарт нөлөөлөх бөгөөд харин тарни гэгч нь тодорхой билэгдэл бүхий цөөн үе, эсвэл үг бүхий өгүүлбэрээс бүрддэг хүний дотоод сэтгэцийн хүчийг нээх увидасын цогц бөгөөд энэ ч утгаараа хүн бүхний далд буюу гүний ухамсарт нөлөөлдөг юм. Тийм ч учраас зөвхөн тарни уншсанаар судрын утгыг мэдэх аргагүй, гагцхүү судрын ёсоор замнаж байж тарнийн ёс руу орох бөгөөд судар нь сэтгэл тогтоон төлөвшүүлэх онолын хэсэг, тарни нь бясалгал үйлдэх практикийн хэсэг юм гэдгийг юуны өмнө хэлэх нь зүйтэй. Тэгэхээр яг нарийн тодорхойлбол тарни нь судартай, судар нь тарнитай гүн холбоотой нэг юмны хоёр тал буюу үндэс, мөчир хоёр шиг зүйл бөгөөд судар нь хүнийг гэгээрэх замыг заадаг бол нөгөөх нь бурхан болгодог юм. Бурханы шашны сургаалын дагуу товч хураавал ийм байх бөгөөд энэ нь үндэслэлтэй болохыг парапсихологийн шинжлэх ухааны сүүлийн үеийн ололт амжилт ч нотолж байгаа билээ.
Эх сурвалж: http://www.buddhism.mn/

Шамбалын тухай-1

Агуу их Шамбал далайн чанадад хол байдаг. Энэ бол тэнгэрийн хүчирхэг орон юм. Түүнд манай газар дэлхийтэй нийтлэг юм юу ч байхгүй. Чи яагаад, юуны учир түүнийг сонирхоод байгаа юм ? Зөвхөн Хамгийн Умардад, зарим газарт Шамбалын гийж буй туяаг харж болно.

Агуу их сургааль Хойт зүгээс Өмнө рүү дахин ирэх цаг болно гэдэг бол үнэн. Бодисатвад хүрэх агуу их замаа эхэлсэн Үнэний Үг тэр газартаа эргэн ирнэ. Жинхэнэ сургааль Түвдийг орхих бөгөөд ахин Өмнө зүгт бий болно гэдгийг зүгээр л байгаагаар нь хүлээн авах хэрэгтэй, Бүх улс орнуудад Буддын дуудлага бий болно. Үнэхээр агуу их үйл явдал болно.

Рэгдэнжавын цамхагаас гарах туяа бүх орнуудад хүрч дээ, янз нь. Шамбалын Цамхагийн гэрэл алмаз (монголоор доржпалам, очир эрдэнэ) адил гэрэлтдэг юм. Тэнд Рэгдэнжав хүн төрөлхтний сайн сайхны мөнхийн манаанд цуцалтгүй зогсож байдаг юм. Түүний нүд хэзээ ч цавчдаггүй. Тэр шидэт толиндоо дэлхий дээр болж байгаа бүх юмыг харж байдаг. Түүний бодол санааны хүч хамгийн алс холын орнуудад ч хүрдэг. Түүний хувьд зай гэж үгүй, тэр хүртвэл зохих хүндээ эгшин зуур тусламж хүргэж чаддаг. Түүний хүчирхэг гэрэл бүх харанхуйг устгаж чадна. Түүний дундаршгүй баялаг шударга ёсны хэрэгт зүтгэх туслалцаа шаардлагатай бүх хүнд туслахад бэлэн байдаг. 

Нууцын Агуу Их Хадгалагчид ажил итгэж өгч, дээд үүрэг өгсөн хүмүүсийнхээ хойноос анхааралтай ажиглаж байдаг. Хэрэв тэдэнд гэнэтийн ямар нэг зүйл тохиолдвол алгуурлалгүй шууд тусалдаг. Ингээд л итгэж өгсөн эрдэнийг хамгаалдаг юм. Дөчин жилийн өмнө Монголын Их Говьд амьдарч байсан нэгэн хүнд томоохон нууц итгэж өгсөн юм. Түүнд энэ нууцыг тодорхой зорилгоор ашиглаж болно гэж хэлсэн, гэхдээ энэ ертөнцөөс халих цаг ойртохыг мэдэрмэгцээ уг хүн өөрөө мэдэж сонгосон хүндээ эрднийг дамжуулах ёстой байлаа. Олон жил өнгөрч гэнэ. Ингээд энэ хүн өвдөж, гэхдээ өвчний үед хар хүч түүнийг эзэмдэж, тэрээр ухаан алджээ. Ийм байдалд тэр хүн итгэлтэй залгамжлагчдаа эрдэнийг дамжуулж чадахгүй болсон нь мэдээжийн хэрэг. Гэхдээ Нууцын Агуу Их Хадгалагчид манаан дээрээ нүдээ ч чавчдаггүй юм. Тэдний нэг нь өндөр Ашрамаас маш яаран хүчирхэг Говийг туулах замд гарч, эмээл дээрээ тасралтгүй жар гаруй цаг давхиж тэнд хүрчээ. Тэр өвчтөн дээр яг цагтаа очиж, мөн яг цагаа олж түүнд ухаан оруулжээ. Ингээд тэр хүн түүнд итгэж өгсөн даалгаврыг нэр хүндтэй биелүүлж чаджээ. Нууц Хадгалагч яагаад тэр Эрдэнээ өөртөө аваагүй юм бол, яагаад бүх юм яг ийм дэс дарааллаар явах ёстой гэж ? гэж чи гайхаж байж магадгүй. Яагаад гэвэл агуу их Кармад өөрийн гэсэн онцгой зам байдаг, тэр ч бүү хэл хамгийн дээд Нууц Хадгалагч нар ч гэсэн заримдаа Кармын утсыг шүргэхгүйг хичээдэг. Яагаад гэвэл Кармын ширхэг утас ч тасарвал маш их гай зовлон учирч болно.

Рэгдэнжав хүртэл заримдаа хүний биед хувилж гарч ирдэг. Тэр ариун дагшин газрууд, сүм хийдүүдэд гэнэт гарч ирдэг бөгөөд тогтсон хугацаанд номлолоо тунхагладаг.
Шөнө юмуу үүр хаяарах хэр. Ертөнцийн эзэн Сүмд ирнэ. Тэгээд орно. Бүх зулнууд шууд асна. Зарим хүн Агуу Их Үл Таних хүнийг нэгэнт танина. Лам нар гүн бишрэлтэйгээр цуглана. Туйлын анхааралтайгаар ирээдүйн тухай цадигийг сонсоно.

Агуу их эрин үе ойртож байна. Ертөнцийн эзэгнэгч тулалдаанд бэлэн болжээ. Олон зүйл аль хэдийнээ бий болно. Сансрын гал ахин газар дэлхийд ойртоно. Гариг эрхэсүүд Шинэ Эрин Үеийг тунхаглана. Гэхдээ Амар Амгалангийн Шинэ эрин болохоос өмнө олон сүйрэл болно. Ингээд оюун сэтгэл нь хэр хангалттай ахисан эсэхийг мэдэх гэж хүн төрөлхтнийг дахин шалгана. Газар дорхи гал Акашийн галан бодистой нийлэхийг эрмэлзэнэ: энэ үед бүхий л сайн хүч эрчим хүчээ нэгтгэхгүй бол сүйрэл гарцаагүй. Энэрэлт Рэгдэнжав элч нартаа тушаал өгөх гэж гарч ирэхэд хар хавцал дээр Ладак хүрэх зам дээр гарч ирэхэд Хүчирхэг Эзэгнэгч үзэгдэнэ. Гүн бишрэлтэйгээр тушаал сонсохоор зүг бүрээс түүн рүү элч морьтонгууд тэмүүлнэ, дараа нь агуу их мэргэн цэцний зарлигдсаныг бүхий л чадлаараа биелүүлэхээр давхин одно.

IX Богд Жибзундамбагийн өөрийн тухай хүүрнэсэн нь

Би 1932 оны усан бичин жилд Түвдийн Үй мужид төрсөн. Эхээс төрсөн цагаас эхлээд л Монгол гэдэг нэр надтай үргэлж холбоотой байсаар өдий хүрсэн дээ. "Энэ хүү наймдугаар Богдын хойд дүр мөн" гэж тухайн үеийн Монголын том лам хуврагууд намайг өргөмжлөн тэтгэдэг байлаа. Гэвч намайг төрсөнтэй бараг уралдаад Монголд цаг үеийн байдал өөрчлөгдөж эхэлсэн. Түүнээс хойш Богдыг өргөмжилж залах хүнгүй болсон гэхэд болно. Цаг үеийн байдал өөрчлөгдсөн хэдий ч сахиус, хувилгаадууд "Та бол Халх Богд мөн шүү" гэж нууцаар хэлдэг байсан. Миний бага нас Далай багшийн "Потала" ордны ойролцоо өнгөрсөн юм. Манай гэр тэнд ойрхон байсан. Гудамжны нэг талд манайх. Нөгөө талд нь Түвдийн нэг түшмэл лам амьдардаг байлаа. Тэр үед Түвдийн төрийн албыг том лам хуврагууд нь залгуулдаг байсан юм. Тэр лам түшмэлийг яагаад ярьж байгаа вэ гэвэл бас учиртай. XIII дугаар Далай лам тухайн үед тэр лам түшмэлийг наймдугаар Богдын сойвонгоор /туслах/ томилж бүх ажил хэрэгт нь тусалж бай гэж Монгол руу явуулж байсан юм билээ. Тэгээд тэр хүн наймдугаар Богдын сойвон хийж байгаад Монголд цаг үе эвгүй болмогц буцаад Түвдэд ирж.

Гудамжны наана цаана ойрхон амьдардаг байсан болохоор би тэр лам түшмэлийн гэрийг андахгүй сайн мэддэг байлаа. VIII Богдын сойвон байсан болохоор түүнд Богдын амьд ахуйдаа эдэлж хэрэглэж байсан эд зүйлс нэлээд их байсан биз. Нэг удаа тэр түшмэл гэрийнхээ гадаах хэцэн дээр VIII Богдын өмсч байсан нэг их гоё торгон хувцсыг тавьчихсан байхад нь би булааж зугтааж байсан юм. Тэгэхэд би гурав дөрөв орчим настай байсан байх. Тэгэхэд л өнөө түшмэл намайг "Энэ яах аргагүй Халх Богдын хойд дүр мөн байна" гэж итгэсэн гэдэг.

Дөрөвтэйдөө би түвд үсэг заалгасан. Миний язгуурын багш Радэн ринбүчи тухайн үеийн Түвдэд бараг хааны эрх мэдэлтэй төрийн түшээ хүн байлаа. Тэр үед би монгол хэлээр бага зэрэг ярьдаг байсан. Долоон настай байхад багш маань намайг Халхын богд гэдгийг тас нууж, ямар ч хувилгаан биш энгийн хүүхдийн байдалтайгаар Гомман дацанд шавилуулахаар явуулсан. Анхандаа Гомманд намайг Халх Богдын хойд дүр гэдгийг мэддэггүй байсан ч хэсэг хугацааны дараа тэр үг яриа тархаж хүмүүс хоорондоо шивэр авир гэх болсон. Далай багшийн Найчун чойжин, Гаадан чойжин хоёрын сахиус буух бүрт намайг Халх Богдын хойд дүр мөн гэж гарч ирж байсан гэдэг. Үүнээс хойш тэр үг яриа миний шавилж байсан Гомман дацанд нэлээд тархсан. Ингээд би дацандаа 20 нас хүртлээ сууж, Умын ном хүртэл үзсэн. (Умын номыг үзэж дууссанаар хоосон чанарыг бүрэн дүүрэн ойлгодог байна.)
Хорин настайдаа Түвд дэх өөрийн хийд Жонанпунцаглиндаа буцаж очиж байлаа. Ингээд 28 нас хүртлээ тэндээ байж байгаад 1959 онд цагийн ороо бусгаа байдлаас шалтгаалан нууц байдлаар дүрвэж Энэтхэгт ирсэн. Түүнээс хойш цагаач хүмүүс яаж амьдардаг вэ, яг л тийм амьдралаар амьдарч янз бүрийн амьдралыг үзэж туулсан даа. Газар хагалж ногоо тарихаас эхлээд л ноосон цамцны худалдаа наймаа ч хүртэл хийж байлаа. 1991 он хүртэл яг л энгийн хүн шиг ингэж амьдарсан. Тэр жил Түвдийн Соёлын сайд Галсан-Иш Монголд очоод П.Очирбат ерөнхийлөгчтэй уулзахад П.Очирбат болон сүсэгтний холбооныхон "Халх Богдын хойд дүр Энэтхэгт цагаачилсан сураг дуулддаг. Одоо манай улс ардчилсан болж ард түмэн шашин шүтэх эрх чөлөөтэй болсон. Тиймээс Богдыгоо хайж сурагласан хүмүүс мэр сэр байна. Хайж өгөөч" гэж хүссэн юм билээ. Галсан-Иш сайд буцаж ирээд Далай багшид энэ талаар айлтгаад тэгээд намайг эрж олсон.

Ингэж Далай лам "Халх Богд мөн байна" хэмээн мутрынхаа тамгыг тамгалж албан ёсоор анх удаа тамгатай бичгээ надад өргөсөн юм аа. Ингэж 1991 онд анх удаа албан ёсоор баталгаажуулснаар би үнэн IX Богд гэж хүлээн зөвшөөрөгдсөн гэж болно. Түүнээс өмнө мөн, биш гэсэн яриа хаа сайгүй байсан. Тэр үед би өмнөд Энэтхэгт амьдарч байсан юм. Далай багш надад дээд зэргийн хүндэтгэл үзүүлж, Халх Богдыг Өмнөд Энэтхэгт биш заавал Дармасала хотод сэнтийнд нь залах учиртай гэж урьж авчирсан. Шавилан сууж байсан Гомман дацан маань хүртэл надад их хүндэтгэл үзүүлэн өргөмжилж, заавал хийддээ аваачиж сэнтийнд зална гэж зүтгэсээр мөн тэнд очиж сэнтийндээ сууж байлаа.

1991 онд байх аа. Сүсэгтний холбооныхон билүү би сайн мэдэхгүй байна. Миний санаж байгаагаар VIII Богдын шавь байсан Сэрээтэр гэх настай лам, сэтгүүлч Ш.Гүрбазар, яруу найрагч О.Дашбалбар, Гүндсамбуу лам гэх зэрэг хүмүүс Дармасалад ирж Богдын хувцас өмсгөлийг иж бүрнээр нь надад өгч байсан. 1992 оноос Америк, Канад, Орос, Сингапур, Швейцарь зэрэг орнуудад очиж бурхны номыг түгээн дэлгэрүүлэх болсон. Ингээд 1999 онд Монгол оронд анх удаа зочилж байлаа. 1999 онд очиж байхад Чойжамц хамба болон бүх хийдийн тэргүүн хамба лам нар маш халуун дотноор хүлээн авч байсан.  Далай багшийн нигээлсэнгүй ачлал, хайр энэрлээр хаа ч байсан их сайхан байж өдийг хүрлээ. 
Эх сурвалж: http://www.news.mn

Тайлагдашгүй нууцуудыг судалдаг алдарт эрдэмтэн Кольскийн хойгийг зорилоо

Сэтгүүлч Сергей Андреев (“Комсомольская правда”, 20.08.2010)

Уфа хотоос хоёр машинаар 10 хүн Мурманск мужид ирлээ. Энэ хүмүүс олон салбарын эрдэмтэн, дэд эрдэмтэд. Тэдний ахлагчаар нь нууцлаг бүхнийг цуцалтгүй судалдаг Эрнст Мулдашев байх аж. Э.Мулдашевийн багийнхан энэ удаад Кольскийн хойгийг зорих нь. Хүнгүй, нам гүм тэрхүү газарт судлаач маань юу олохоор мэрийж байгаа юм бол?

Шамбалын орон, Бурхадын хот ба Шантамани (Чандмань) чулуу

“Ертөнц дээрх хамгийн аймаар зүйл бол залхуурах явдал. Энэ чинь чөтгөрийн үзэгдэл гэдгийг хүмүүс ер ойлгодоггүй” гэх оршил үгсээр Эрнст Мулдашев яриагаа эхлэв.

Мулдашев бол нүдний эмч. Гайхалтай мэс заслуудыг хийдэг. Харин чөлөөт цагаараа тэрбээр Шамбалын орон, Бурхадын хотыг эрэх аялалд гардаг бөгөөд энэ талаараа ч хэд хэдэн ном бичсэн.

“Мурманск мужид хийж буй миний аялал 17 дахь нь юм. Ирэх жил Чингис хааны мөрөөр Монгол руу аялахаасаа урьтаж Кольскийн хойгийг зорьж буй маань энэ. 2006 онд Монголд аялах үеэр Чингис хааныг алдарт Чандмань чулууны 9 дэх хэлтэрхийг эзэмшиж байсан талаар бидэнд ярьж өгсөн юм” гэж Мулдашев ярилаа.

Чандмань чулуу гэж юу вэ. Дорно зүгийнхний домгонд дэлхий дээрх амьдрал программ хэлбэрээр сансраас ирсэн гэх бөгөөд энэхүү программ Чандмань чулуун дээр бичигдсэн байдаг аж. Үүний тусламжтайгаар Бурхадын хот босч энд л анхны хүн болон дэлхий дээрх бүх амьд биетүүд үүссэн хэмээн Э.Мулдашев тайлбарлаж өгсөн юм. Домгонд хэлсэнчлэн Чандмань чулуу өдгөө Түвдийн нэг цамхаг дээр бий гэнэ.

“Би тэр байшинг харсан шүү. Ойролцоогоор 600 метрийн өндөртэй, эгц хануудтай, гурван баганатай юм билээ. Цамхагийн орой дээр гурван давхар байшингийн өндөртэй пирамид байрладаг. Нисдэг тэргээр ч хүрэх аргагүй болохоор чулууг авах арга байхгүй. Чандмань чулуу 9 хэсэгтэй. Найман хэсгийг нь дэлхий дээр ашиглачихсан гэдэг. 9 дэхийг нь өнөөг хүртэл ашиглаагүй байгаа. Чандмань чулуу энэ хэлтэрхийтэйгээ үе үе гэрлээр холбогддог. Далайн төвшнөөс 5.5 км өндөрт орших Түвдэд байх их хэцүү. Амьсгал давчдаад байдаг. Гэтэл шөнө 70 км-ийн урттай хагас дугуй хэлбэртэй гэрэл цацарч эхэлдэг. Энэ үзэгдлийг лам нар бидэнд 9 дэх хэлтэрхий Чандмань чулуутай холбогдож байна гэж тайлбарлаж өгсөн” гэж Э.Мулдашев тайлбарлав.

Энэ хэлтэрхий тийм ч том биш аж. Гэхдээ энэ хэлтэрхийг ашиглахын тулд нэгэн тарнийг мэдэх шаардлагатай гэнэ. Чингис хаанд Бурхан тэрхүү тарнийг хэлж өгснөөс гадна энэхүү хэлтэрхийний байршлыг ч зааж өгсөн гэж түвд лам нар ярьдаг аж. Тийм ч учраас Чингис хаан дэлхийн талыг эзэлж чадсан биз ээ. “Чингис хаан Монголоос Герман хүрсэн ба Хятадаар дамжин Ява арлууд дээр хүрч чадсан юм шүү дээ” гэж Э.Мулдашев бахархалтай нь аргагүй өгүүлэв.

Тэрбээр цааш үргэлжлүүлэн ярихдаа “Энэ бүх улсыг зөвхөн сэлэмний ачаар эзлэн авах боломжгүй юм. Монголчууд Чингис хааныг үнэн хэрэгтээ дэлхий дээр энх тайван байдлыг тогтоохыг эрмэлздэг байсан гэж нотолдог. Тэрбээр хүмүүсийн (удирдагчдын) сэтгэхүйд ямар нэгэн байдлаар нөлөөлж, байлдах эрч хүчийг нь алдагдуулдаг байжээ. Дэлхийн хүмүүс энхтайван амьдарч, дотоод зөрчилдөөний улмаас бие биеийнхээ амийг хөнөөх явдлыг зогсоох хэрэгтэй гэж ярьдаг байсан гэдэг. Тухайлбал, Орос улсад ноёлж байсан татар-монголын дарангуйллын 300 жилийн хугацаанд нийтдээ 20 мянган хүн л нас барсан байдаг. Гэтэл үүнээс өмнө яг ийм хугацаанд дотоодын зөрчилдөөний улмаас 200 мянган хүн нас барсан байдаг юм шүү дээ” гэлээ.

Сейдозерогийн “солиорол”

Тэгвэл Чингис хаан Кольскийн аралтай ямар хамааралтай юм бол. Э.Мулдашевийн бодож буйгаар, агуу удирдагчийн гипноз хийх авьяас нь “хойт туйлын солиорол” (северный психоз) гэдэг өвчинтэй холбоотой байх магадлалтай гэнэ. Харин энэхүү өвчин хойд туйлын яг энэ бүс нутагт дэгдэж байжээ. Энэ өвчнийг туссан хүн нэг ёсондоо зомби (ороолон) болон хувирч ямар ч тушаалыг биелүүлэгч болдог гэнэ. Нэг тийм биоробот болдог аж.

“Энэ өвчин фашист Германы удирдлагуудын сонирхлыг ихэд татсан гэдэг. “Аненербе” (III Рейхийн үед Эртний өв уламжлал, тайлагдашгүй нууцуудыг судалж байсан байгууллага) Кольскийн хойг руу хүртэл шинжилгээний анги илгээсэн байдаг. Аяллын багийн гол зорилго нь дээрх солиорлыг үүсгэж чаддаг бөөг хулгайлж авчирахад оршиж байжээ. Энэ бөөгийн тусламжтайгаар немцүүд дайсны цэргүүдийг гипнозонд оруулж эсэргүүцэх чадваргүй болгох байв. НКВД (ЗСБНХУ-ын Дотоод хэргийн ардын комиссариат) ч бас үүнийг сонирхож хөөцөлдсөн байдаг” хэмээн Э.Мулдашев сонирхуулав.

1922 онд Александр Барченкогийн багийнхны хийсэн аялал хамгийн алдартай нь. Энэ багийнхан Мурманск мужийн Сейдозеро нуурын орчимд бачуухан амтай нэгэн нууцлаг агуй олсон гэдэг. Энэ агуйд орж чадсан хэн боловч солиоролд автдаг аж. Яг ийм гипнозыг хийж чаддаг нэг бөө өнөөдрийг хүртэл Кольскийн хойг дээр амьдарч байгаа гэнэ. Тэр хүнийг хайж олох нь л Э.Мулдашевийн багийн зорилго. Багийн гишүүн Анатолий Алексеев Якутын улсын их сургуульд багшилдаг. Бөө судлалаар ОХУ-даа хамгийн гол мэргэжилтэнд тооцогддог.

“Би 15 жил бөөгийн элдэв үзэгдлийг судаллаа. Африк, Бразилийн бөө нартай уулзаж байсан. Технологийн өндөр хөгжилтэй Япон, Өмнөд Солонгос, Шинэ Зеландад ч бөө нар ажиллаж амьдардаг юм билээ. Бас Зүүн Сибирьт ч байна. Би ном, архивын материал дээр ажилладаггүй. Бөө нартай биечлэн уулзахыг эрхэмлэдэг” гэж Анатолий Алексеев хэлэнгээ бөө нарын хэдэн зураг гаргаж үзүүлэв. Зурган дээрх бөө нарын гар дээр гал дүрэлзэж байх юм. “Бөө нарын зургийг би өөрөө авдаг. Тэгэхгүй бол хүмүүс эдгээр зургийг фотошопоор янзалсан гэж бодно. Энэ зураг дээр Галын сүнс харагдаж байна. Өндөр настай бөө нь залуу бөөдөө эрдэм зааж өгч, оюун ухааныг нь хурцалж байгаа үе. Хүн бүр Бурхантай үл үзэгдэх утсаар холбогдсон байдаг. Энэ утас тасрах л юм бол тэр хүн үхнэ. Харин бөө нар энэхүү холбоог уртасгаж чаддаг юм. Тэд шинжлэх ухаан эсвэл бусад шашинтай тэмцэлддэггүй гэдгийг шуудхан хэлье. Зөвлөлт засгийн үед би шашин шүтдэггүй, улаан коммунист явлаа. 1995 онд нэг бөө намайг зүрхний шигдээсээс аварсны дараа би тэд нарт итгэдэг болсон юм” гэлээ.

Ловозерскийн тундра дахь агуй

“Зомби болсон буюу солиорсон хүмүүсийг би өөрийн биеэр харсан” гэж Эрнст Мулдашев ярив. “Крит арлын (Грекийн арал) жижигхэн тосгонд энэ үзэгдлийг харсан. Нутгийн шидтэн Маркос гэгч тосгоны тэн хагасыг солиоролд оруулчихсан байна лээ. Хүмүүс тэр хүний эрхшээлд бүрэн орж, чидун жимсийг шуудай шуудайгаар нь зөөж авчран тос шахаж өгч байхыг нь бид өөрсдөө харсан. Тэр хүний сайн мууг бид дүгнэх эрхгүй л дээ. Тэр тосгоны хажууханд нэг агуй байсан. Эртний Грек домгонд гардаг Минотавр (үхэр толгойтой хүний биетэй мангас)-ын агуй (лабиринт). Тэр агуйг бид анх олсон шүү. Маркос биднийг тэр агуй руу орохыг зөвшөөрсөн ч 20 минут л байхыг зөвлөсөн. Учир нь 20 минутаас удвал энэ агуйн хүч үйлчилж эхэлдэг аж. Тэгэхээр нь би зориуд 20 минутаас илүү хугацаагаар тэр агуйд үлдсэн. Тэгтэл үнэхээр миний толгой эргэж, дотор муухайрч эхэлсэн шүү. Маркос агуйн тэр хүчийг ашиглаж чаддаг гэж ярьж байна лээ” хэмээв.

Крит арал руу хийсэн тэр аялалд математикч Шамиль Цыганов бас оролцжээ. Тэрбээр Пуанкарын онолыг ашиглан дэлхийн лабиринтууд (орох, гарах хаалга нь олдохын аргагүй олон өрөөнөөс бүрдэх байр)-ын байрлалыг тооцоолж гаргасан талаар Э.Мулдашев ярьж өгөв. Цыгановын тооцоолсноор, дэлхийд ердөө 24 лабиринт байгаа гэнэ. Нэг нь энэхүү Кольскийн хойг дээрх Сейдозеро нуурыг тойрсон Ловозерскийн тундрт байрладаг гэнэ. Лабиринтуудын чанх дээр нь солиорох үзэгдэл явагддаг аж. Харин Александр Барченко 90 жилийн өмнө тэр лабиринт руу орох үүдийг нь олсон бололтой. Эрнст Мулдашев тэрхүү лабиринт руу орох үүд нь Сейдозеро нуурын гүнд байж болзошгүй гэж үзэж байгаагаас гадна нуурыг хоёр ёроолтой гэдгээс эмээж байгаа аж.

Бид ч бас зомби болдог

“Өдөр тутмын амьдралд биднийг зомби болгох үйл ажиллагаа явагдаж байдгийг та мэдэх үү” гэж Эрнст Мулдашев асуув. “Шударга байя л даа. Тухайлбал, зар сурталчилгаа биднийг зомби болгодог биз дээ. Үүнээс болж бид ямар ч хэрэгцээгүй барааг худалдан авсаар л байгаа. Зар сурталчилгаа сүүлдээ бүр хэрээс хэтэрч хавдрын эсрэг эм, бэлдмэлүүдийг хүртэл сурталчлах болсон. Эмч хүний хувьд би үүнийг огт зөвшөөрдөггүй. Бодит амьдрал дээр хүмүүс цус харах дургүй. Тэгсэн хэрнээ цус урсгасан үзэгдлүүдтэй Америкийн зодоонтой хогийн кинонуудаас хүнийг тамлаж, егүүтгэж буй үйл явцыг сонирхон үзсээр байдаг. Ер нь ийм төрлийн киног үзэх нь хүний үнэргүй явдал мөн. Тэгсэн атлаа хүний удмыг үргэлжлүүлэх чухал үйлс болох энгэр зөрүүлэх ажлыг сурталчлахыг хориглодог нь хамгийн сонирхолтой. Бид зомби болсоор эцэстээ зүгээр л хоол боловсруулах этгээд болж хувирлаа шүү дээ” гэв.

Нэрт аялагч маань энэ удаагийн аялал ямар үр дүн өгөхийг таамаглах боломжгүй талаар ярьж өгөв. Ихэнх тохиолдолд хүссэндээ хүрч чаддаггүй аж. Тиймээс үр дүнг төлөвлөж болдоггүй гэнэ. “Дэлхий ертөнц бидний бодож байгаагаас илүү төвөгтэй, нарийн. Материаллаг ертөнц гэж байхад биегүй ертөнц гэж бас бий. Юутай ч энэ ертөнцийг илүү сайхнаар харахыг хичээцгээе” хэмээн Мулдашев уриаллаа.

Эх сурвалж: http://www.fact.mn/

Ригдэн Дагвын шашин дэлгэрэх нь

Өлзийт хэмээгдэх 22-р жарны гал хонин жил Ригдэн Дагва Хорложан бээр Шамбалын ширээнд оршиод, хаан төр шашиныг хөгжүүлэн дэлгэрүүлж, урьдуудаас ч үлэмж болсоноор бурхан багш лугаа ялгалгүй элдэв зохиолыг зохиож бас их цэрэг сэлт их заан ,хөлөг тэрэг ба их баатар тэргүүтэн элдэв зэвсэг санаанд багташгүйгээр их хилэнцэт лал нарыг дарах бэлтгэлийг хураан үйлдэнэ. Манзүширийн хувилгаан Ригдэн Дагвын урьд цагт ерөөл талбисаны хүчээр би тэргүүтэн эх болсон амьтан бүхэн хэн болгоныг айлдалаар болгоогоод нигүүлсэлээр барин соёрох. Асархуй нигүүлсэхүйгээр авраад хүч чадлаар гэтэлгэн зохио.
Үүний үед Маха оронд Асурын Хувилгаан Лалын хаан болж Замба тивийн хагас нь лалын эрхэнд орно. Сүм хийд олныг эвдэн сүйдлэнэ. Гэмгүй олон амьтаныг хорлож хөнөөн үйлдэнэ. Үйлийн үрийг басамжилаж, чухал дээдийг хорлолтой хэмээн их хилэнцийг үйлдэх лалын номын ёс нь шуламс лугаа адил болой. Эдгээрүүдийг нь Их тайлбараас мэдэж үйлдээрэй. Маха орон хэмээгдэхийг нь Хайдав Богд бээр буруу оронд номлосон. Түган Дармабазар ба Жигмэдванбу нугууд нь энэтхэгийн баруун зүгт буй хэмээн номлосон . Ванчин Балдан Иш бээр Хүнхүрва ч оросын оронд номлосон номлох ёс адилгүй буй.
Ригдэн Дагва дээр замба тив үүнд заларснаар лалуудыг дарснаар шашиныг дэлгэрүүлэхийн цагт хар зурхай, цагаан зурхай, тооны зурхай цүр ёсны зурхай, пүг ёсны зурхай тэргүүний зурхайн ёс урьд хожид гараагүй адилгүй олон гарна.
Их мэргэдүүдийн номлох ёс ч урьд хожид адилгүй гарахын учир шалтгааныг амьтадуудын санааны байдал элдэв ба түүний эрхээр үйлийн байдал элдэв түүний эрхээр үзэгдэх ёс хувь дээд доод адилгүй элдэв гарах тул чадагчийн эрхэт бурхан ялж төгс нөхцсөн бээр ч шавьд номыг үзүүлэхүйд өөр өөрийн үзэгдэх ёс ба хувь дээд доод дунд гуравт өөр өөрийн хувь лугаа таарсан ном адилгүй элдэвийг зарлигласаны учир шалтгаанаар зурхайн ёс ба номлох ёс адилгүй гарна хэмээсэн.
Бид нарын тойм үгэн дамжлаг мэтэд 16-р жарны гал хонин жил Ригдэн Үл хоригдогч Шамбалын ширээнд сууснааар зуун жил оршино. Түүнчлэн Хүмүүний арслан, Их эрх баялагт, Хязгаарүй, Тийн ялгуусан нугаад зуу, зуун жил Шамбалын Хаан ширээнд сууна.

Хайдав ба Туган Дармабазар хоёрын номлох ёсыг нийлүүлснээр номлож үйлдвэл:

22-р жарны гал хонин жил Ригдэн Дагва Шамбалын ширээнд суусанаар нас тавин жил илүү төдий таалах цагт лалын шашин сүүл төгсөх шахамд Ригдан Дагво бээр Замба тив үүнд заларснаар лалуудыг дарж шашиныг дэлгэрүүлэн зохионо.
Манзүрширийн хувилгаан Ригдэн Дагва бээр их баатар цэргийн чуулган их заан, чулуун морьд тэргүүтэн хувилгаан цэргийн чуулган сэтгэшгүйгээр сүр хүчит нөхөр лүгээ сэлттэй заларч Сэда мөрний захад Лал хийгээд Ригдэнгийн цэргийн чуулган нөхөр сэлтүүд байлдан хилэнцэт Лал бүхэнийг амь биеийг товорголон сүнсийг нь дээш татан зохионо. Сэда мөрөн хэмээгдэх нь Шамбалын урд зүгт Энэтхэгээс хойд зүгт цагаан өнгийн хөөст их мөрөн хэмээн “Цагийн хүрдний их тайлбарт” номлосон буй.
Ванчин Балдан Иш бээр Сэда мөрнийг биеийг чулуу болгон мөрөн болой хэмээсэнийг би сонссон болой хэмээн Шамбалын мөрийн бичигт номлосон буй.
Их хүч чадалт Ригдэн Дагва та урьд цагт ерөөл хэмжээлшгүйг талбисаны хүчээр би хийгээд эх болсон амьтан алин болохыг айлдлаар болгоож нигүүлсэлээр барин соёрох. Асрахуй нигүүлсэхүйгээр авран хүч чадлаар гэтэлгэн зохио.
Шагжатүвийн шашинд хоёр зэрэг дэлгэрэлт гарах бөгөөд анхдугаар зэргийн бурханы шашин нь таван мянган жилийн хязгаартайг судрын аймаг сайн хувьтаас номлосон.
Шагжатүвийн хоёрдугаар зэргийн шашины орших хэмжээг нь хорин мянган жил оршихыг “Цагийн хүрдний их тайлбар”-т номлосон. Ригдэн Дагва бээр дэлгэрүүлэх хоёрдугаар зэргийн чадагчийн шашин нь дөрвөн тив нэжгээд нэжгээдэд тав таван мянган жилд дэлгэрэн зохиох бөгөөд нийлүүлбээс хорин мянган жил орших болой. Ригдэн Дагвын шашин нь Шагжатүвийн шашинаас тусгаар үгүй бөгөөд Шагжатүвийн шашин ч дахин сэргэлт нь ч тэр болой.Их дэлгэрэлт ч болой. Дөрвөн тив нэжгээд нэгжээдэд нэг наснаа бурхан болох нь тоолшгүй гарна. Бүтээлийг олсон ч тоолшгүй гарна. Дөрвөн тив нэжгээд нэжгээдэд замбу тив лүгээ адилын гайхамшиг гарах төгс цаг ургах болой.

Ригдэн Дагвын шашин дэлгэрэх ёс нь:

Нарны гэрлийн сүр жавхлант төгс туяа Шагжатүвтэй ялгалгүй Ригдэн Дагва Цагийн хүрдэн Очирдар Шагжавтүвийн шашинг ч дахин сэргээн дэлгэрүүлэх нь: Урьд тив, баруун тив, хойт тив, зүүн тивд зэргэмжчилин наран ургах адил дэлгэрнэ. Цог төгс цагийн хүрдэний шашинд дэлгэрээд Шагжаан шашин бүхэн ай ихэд гайхамшигтайгаар хөгжин дэлгэрсэнээр их хөлөгний шашин голлон дэлгэрэх бөгөөд Нууцын хураангуй тэргүүтэн Дээр үгүй үндэсний онолын шашин өгүүлшгүй сэтгэшгүйгээр дэлгэрэх болно.
Ялгамжтайд: Цагийн хүрдэний шашин нь эзний ёсоор дэлгэрэх болоод чухаг дээд гурвын үнэний адистэд ба номын чанар урвалтгүйн үнэний хүчээр миний гурван цагт хураасан буян асар ариун ерөөлийн шүтэн барилдлагын хүчээр ерөнхийдээ би хийгээд эх болсон амьтан алин болгон Ригдэн Дагвагын шашинтай магад учирсанаар хувь төгс шавь нь болох болтугай. Анхдугаар зэргийн Шагжаан шашинд сонсох, санах, бясалгах тэргүүтэн авьяас агуулсан ба үзсэн сонсон дурдсан хүрэлцсэн бүхэн миний хүчир аргын сайн ерөөлийн хүчээр Ригдэн дагвагын тааламж ерөөл ба хоёр ерөөлийн их хүчид одож хоёрдугаар зэргийн Шагжаан шашинд магадтай учирсанаар хувь төгс шавь нь болох болтугай.

Шамбалын орны байгуулалт

Нууцын эзэн Очирваанийн орон бөгөөд гайхамшигт ариун орон Шамбала орны байгуулалт нь доод суурь газрын эн тэгш дугираг хүрээлсэн 8 дэлбээт лянхуан цэцгийн байдалтай хэлбэртэй буй. Төвийн захаар цаст уулаар хүрээлсэн найман дэлбээтэй захаар хоёр цаст уулаар хүрээлсэн хоёрдугаар зэрэг ч цаст уулаар хүрээлсэн буй. Уулын оргил бүгд мөнх цастай. Түүний завсарт сүрлэг хад асгат уул зүлэгт уул ой шугуйт уул, үнэрт модот уул, элдэв цэцэгт жимс мод, зүлэг ширэгийн цэцэрлэг хэмжээлшгүй буй. Зүүн захаас баруун зах хүртэл гурван мянган бээрийн хэмжээтэй төвийн газрын эн нэг мянган бээр гаднын Цаст уулаар хүрээлсэний дотроос цаст уул хүртэл мянга мянган бээрийн хэмжээтэй буй. Голд тийн ялгуусан ордон сүр жавхлантай Ригдэн хааны голын ордон Галава эрдэнээс бүтсэн арван хоёр бээр хэмжээтэй шөнийн цагт наран ургах лугаа адилын гэрэлтэй ордон түүний хойд эргэн тойронд Живаа дагина боолын ёсонд амьдарч буй. Урд зүгийн Маная цэцэрлэгт ууланд Даваасамбуу хаан бээр босгосон дөрвөн зуун арван хоёр тохой лагшин зарлиг таалалын огоот төгс хот мандал үзсэн даруй дээд шидийг олохын үрийг өгөгч эрдэнээс бүтсэн “Цагийн хүрдний хот мандал” буй. Хойд зүгийн эрдэнийн болор адил Хадат ууланд харваас үзэсгэлэнт гайхамшигтай.Үүнд: Зөөлөн Эгшигт Манзшури, Мэлмийгээр болгоогч Жанрайсиг Очирваань, Хутагт Дарь эх, Дагинасууд арав арван мянган бодь садуудаар хүрээлүүлэн оршсон. Тэдгээрүүдэд долоон гишүүн ба гадаад, дотоод нууц, хоосон чанар тэргүүтэн тахил бүхэнээр би бээр тахих болтугай. Ордон түүний зүүн зүгт Цэнгэлийн далай Шинийн саран мэт арван хоёр бээр. Баруунаа лянхуа их далай нь хагас саран мэт 12 бээр буй. Хоёр их далайд цагаан лянхуа Цэцэг удвал тэргүүтнээр бүрхэгдсэн. Эрдэнэ бүтээгч хүн, тэнгэр, лус тэргүүтэн баясан цэнгэлдэн оршсонд “Би” бээр хамт нөхөрлөн цэнгэх болтугай. Найман дэлбээний завсарт рашаан ус ой цэцэрлэг бүрдсэн нь цаст уулаар ялгараад лянхуа нэжгээд нэжгээд тус бүрт живаа тоот хот буй. Арван хоёр арван хоёр буй хот тэр нэг живаа есөн зуун ерэн зургаан хот буй. Хот тус бүрд бага хаан тус бүр бүгдийг нийлбүүлбээс номын хаан нэг живаа 96 буй. Нэг хаан бээр буман хотыг эрхшээдэг болой. Номын хаан бүгд шашин төрийг хослуулан дэлгэрүүлж үйлдснээр амьтаны тус бүхнийг зохиодог. Элдэв зохиол нь бурхан адил бөгөөд бүгдээрээ бурханы хувилгаан тул намайг болон амьтан алин болгоныг айлдлаар болгоож нигүүлсэнээр барин соёрхох. Бурхан Шагжаан чадагчийн Шашин бүхэн хөгжин дэлгэрч ялгамжаатай Цагийн хүрдэн ба дээр үгүй үндэсний аймгийн шашин ихээс ихэд дэлгэрч бас хоёрдугаар ялгуусан Лувсандагва эцэг хөвгүүдийн судар тарнийн шашин нь Ригдэн нугуудын үйл ялгамжтай тул замба тив үүнд үлэмж дэлгэрээд бид нар сонсох, санах, бясалгах тэргүүтэн шашинд авьяас агуулсан буянаар шашинд авьяас агуулсан буянаар шашин үүнд оршсноор гурван сургаалыг анхааран авсанаар эрдмийн эцэст хүрэх болтугай. Шамбалын сав шим сайн чуулганууд ариусаагүй үзэгдэлийн талд тэр мэт үзэгдэвч ариун үзэгдлийн талд олшгүй ордон бөгөөд гадаад цаст уулаар дугираглан хүрээлсэн нь Очир их эрсийн дугираг хүрээ бэлэгдсэн буй. Лянхуан дэлбээт байдалтай буй нь олшгүй ордоны элдэв лянхийг бэлгэдсэн буй. Дотрох цаст уулаар үзэсгэлэнтэй хүрээлсэн нь хот мандалын давхарлага эрдэнэ хүрээлснийг бэлгэдсэн. Шамбалын Ригдэн хаан нь хот мандлын язгуур зургаа дахь Очирдарь лингийн дөрвөн зүг завсар наймны хаан нь хот мандалын дөрвөн зүг завсарын бурхадыг бэлэгдсэн буй. Хот мандалыг дурдсанаар ариун үзэгдэл ургуул ургах аваас түргэнээ бурхан болохын аргын дээд мөн. Орон үүнд төрөх бодьгал алин ч ерөөлийн эрхээр төрөл авдаг болой. Үүнээс бусад үйл нисваанисны эрхээр төрөл авах нь ашдаас үгүй болой. Тийм учраас орон үүнд төрөхийг хүссэн бодьгал хэн ч чуулганыг хурааж хилэнцийг ариусган ерөөлд шамдах нь зохистой. Би бээр гурван цагын буяны чуулган хэдий буйн хүчээр эх болсон амьтадын тусад орон үүнд төрөөд сав шим бүгдийг амгалан хоосон ч тийн цэнгэлд алин үзэгдсэнг бурханы хүрдэнд ургуулах болтугай.

Шамбалын орон тухай баримтууд

Баримт № 3

Өндөр сүрлэг уулсын дунд эгэл жирийн нэгэн анзаарагдахгүй уул байдаг аж. Тэрхүү ууланд бурхад амьдарч хүн төрөлхтөнийг аврах бүх л мэргэн ухааныг боловсруулж суудаг. Ууланд асар олон агуй хонгил байдаг. Уг газрыг Шамбалын орон гэх болой. Шамбалын оронд ирснээ мэдэхгүй төөрч будилж яваа аянчин гийчин, зовж зүдэрсэн хүнд урт хар үстэй залуухан бүсгүй хоол унд өгч тусалдаг аж.

Бамбар барьсан морьтой хүмүүс үе үе гарч ирэн хүмүүн төрөлхтөний сайн сайхны тусын тулд өргөл барьц өгдөг байна. Замбуулингийн манлай хүчирхэг баатар Рэгдэндагва Шамбалын орны эзэн аж. Шамбалын орноос алмаас эрдэнийн чулуунаас цацрах их гэрэл байнга туяаран гийгүүлдэг байна. 331 онд тэнгэрээс унасан энэ чулууг далавчит мориор тээж авчирсан гэдэг. Харин уг чулуунаас оч цахилаад эхэлбэл ертөнц сөнөхийн дохио, од гялалзвал хүн төрөлхтөн хөгжин цэцэглэх болно. Мөн Шамбалын оронд элч гэж бий. Шамбалын орны хуулиар 100 жилд долоон хүнийг төгс эрдэмд сургаж, манай дэлхийд элч болгон илгээдэг аж.

Баримт № 4

Ирээдүйд дэлхий дээр төрж буй хүмүүсийн бодол сэтгэлгээ улам их гажсан, эрүүл бус болж, Бурхан Буддагийн сургааль улам гажуу болно. Янз бүрийн хэлний буруу суртал номлосон хүмүүс улам бүр олширно. Тэр цагт ямар ч жинхэнэ сэтгэлийн хүч, гүйцэтгэл, биелэл гэж байхаа болино. Сэтгэлийн тэнхээ хүч байхгүйгээс болж хүмүүс өөр хоорондоо үргэлж тэмцэлдэж байх болно. Төгс төгөлдөр байх явдал тэдний хувьд биелэшгүй зүйл болж, Дэлхийн хүмүүс нь эргэн тойрондоо зөвхөн зовлон тарих болно. Тоотой хэд нь дээд бодол санаагаа хэрэгжүүлэхээр эрмэлзэх боловч бүрэн төгс гэгээрэлд хүрч хэзээ ч чадахгүй. Хүмүүс улам бүүр заваан болж, сэтгэл санаа нь бохирдсоноос болж тэднээс бурхад байтугай ад чөтгөрүүд ч айх болно .

Тийм үе эхэлэнгүүт хүмүүсийн аль баатарлаг нь эрдэм ухааныг олж бусдадаа хүртээл болгохын тулд Шамбалын орныг зорих ёстой. Тийм зорилготой аянчин нь бясалгал , гэгээрлийн урлагыг эзэмшсэн байх ёстой бөгөөд бодлоггүй тэнэгүүд бол гэрээсээ хамраа ч цухуйлгаад хэрэггүй.

Баримт № 5

Шамбалын орон гэж бий. Гэхдээ тэдний төсөөлөөд байгаа шиг юм биш. Тvvн рvv зүгээр л яваад орчихож, тvvнийг гараараа барьж болохгvй. Шамбал шал өөр хэмжигдэхvvнд байгаа. Оюун санааны өндөр дээд тvвшинд хvрч чадсан хvн л дэлхийн тэнхлэгийг vзнэ гэж би европчуудад олон удаа тайлбарласан хэмээн Далай лам “АиФ” сонины сурвалжлагчид хэлсэн юм.

Шамбалын орны тухай

Шамбалын орон энэ үг азийн ард түмнүүдийн хувьд хамгийн ариун нандин үг нь юм. Санскритаар бол Капада гэж нэрлэдэг. Энэ нь ирээдүйн бэлгэ тэмдэг. Хүн төрлөхтнийг харанхуйгаас аврах ганц найдвар гэж азийн домгуудад өгүүлдэг билээ. Дэлхийд эд мөнгө дангаар шүтэгдэн арга ухаанаа хөрөнгө хураах хуримтлуулахад зориулсан нь оюун ухааны сэтгэл хоосорч улмаар газар дэлхийд ган гачаал тахал зовлон үзэх үед энэ оронд сайн сайхан шударга ёсны өмөг түшиг болон үлдэж эндээс л хүн төрлөхтнийг аврах Будда Майдар залран ирнэ гэнэ. Дэлхийн шашнуудад өөр өөр нэрийн дор майдар залрах тухай зөгнөн хэлсэн байдаг. Энэ нь лалынхны хувьд Мулдадара, энэхтхэгчүүдийн хувьд Ражи Аватхара, харин загалмайтнуудын хувьд Исус Христосын тухай өгүүлдэг билээ. Энэтхэгчүүдийн хувьд ариун газар Ривархиг Гималайн уулын хойд хэсэгт өөрөөр хэлбэл Түвдийн нутагт бий гэж заасан байдаг. Түүнчлэн баруун Түвдэд байдаг Кайлас уулын хойхно байдаг ч гэж тодотгох нь байдаг. Шамбалын тухай ойлголт нь зөвхөн төв азийн ард түмий сэтгэл зүрхэнд нь оршиж үлгэр домог аман зохиолд нь тусгагдаж байсангүй. Шинийг нээж олох, эрэн хайх сэтгэлтэй өрнө дахиныхан, аялагч жуулчдын анхаарлыг татаж ирсэн билээ. Шамбалын орны тухай албан ёсны мэдээ баримтыг албан ёсоор Португалын лам нар дэлхий дахинаа дуулгажээ. Тэд 1627-1650 онд Түвдийн Шанхсвуй хийдэд сууж байхдаа үлгэрийн юм шиг гайхамшигт газар бодитой оршидог гэж магадлан тэмдэглэн үлдээсэн байна. Тийнхүү 17 –р зууны үед Амер хотноо католик шашны томоохон төлөөлөгчдийн тэмдэглэн үлдээсэн газрын зураг дээр Шанг Шамбала хэмээх орныг тэмдэглэсэн байна. Францын дорно дахиныг судлагч эрдэмтэн Дэвид Ниль олон жил түвдийн хийдэд амьдарч эрдэмт лам нарын сэтгэл оюунаа дасгалжуулан хөгжүүлэх замаар эзэмшсэн ид шидийг бодитойгоор нүдээрээ харснаа цуглуулан “Түвдийн хутагт хувилгаад” хэмээн ном бичсэн байна. Энд дурьдсанаар түүнийг зүүн Түвдэд амьдарч байхад нутыыгийн нэг хүн байсхийгээд цаст уулруу очоод гэнэт хүрээд ирдэг тухай өгүүлсэн байна. Тэрээр сониуч хүмүүсийн асуултанд “ Тэнд бурхад суудаг юм гэж хариулдаг байжээ. Дэвид Ниль тэр хүнд хятадын хиймэл цэцэг бурхаддаа өгөөрэй гэж дамжуулжээ. Өнөө хүн амьд хүн оргонох нь байтугай хөл тавьх аргагүй цаст уулаас буцаж ирэхдээ зөвхөн өмнөд Түвдэд долоон сарын халуун зунаар ургадаг сайхан цэцгийг бурхадаасаа авч ирэн түүнд бэлэг барьсан гэнэ. Энэ үед 20 хэмээс доош хүйтэн гол горхи тас хөлдсөн цаг байлаа. Эндээс туйлын уур амьсгалтай цаст уулын дунд мэргэдийн амьдран суудаг зөөлөн уур амьсгалтай Баянбүрд байж болох гэсэн дүгнэлт хийж болох юм. Бүх аялагчдын тэмдэглэлд энэхүү нууцлаг орны хил хязгаарыг байгаль өөрийн аргаар найдвратай хамгаалж байдаг тухай дурьдсан байдаг. Хад асганы завсраар гарах байгалын хий хамгаалах тунгалаг дэлгэцийн үйлчилгээ үзүүлэн хүн мал даараагүй атлаа жихүүдэс хүрэх зэрэг үзэгдэлүүд олон тохиолддог байна. Тиймээс л жирийн хүн нэвтрэх аргагүй ажээ. Гуравдугаар Ванчинбогдын бүтээсэн “Шамбалд хүрэх зам” бүтээлд яаж тийш очих тухай бичсэн байдаг ч бэлгэ тэмдэгийн хэлд суралцаагүй хүн ойлгох аргагүй зүйл юм хэмээн өгүүлсэн байдаг. Үйлийн үрийнхээ өр төлөөсөөр салж чадаагүй эгэл хүн, урилгагүй зочин, ашиг хонжоо хайгч сониуч хүн хэн ч тийш нэвтрэх эрхгүй бөгөөд сансрын хүрднээс чөлөөлөгдөж буй өөрөө өөрийнхөө эзэн болсон шилмэл хүмүүсийг л дуудлагаар урин залдаг байна. Шамбалын орны Архатууд нь хүн төрлөхтнийг далдаас ажиглан үйлийн үрийн үй түмэн орооцолдсон утасыг үл хөндлөн болгоомжтойгоор сайн сайхан гэрэл гэгээний зүг чиглүүлж байдаг биз ээ. Дэвид Нилийн Түвдийн хутагтууд номонд зарим лам нар нүдний өмнө тув тунгалаг болон алга болсноо гэв гэнэт дахин гарч ирдэг чадвартай болохыг тэмдгэлсэн байдаг. Энэ нь амин цэнэг хэмээх маш нарийн жирийн хүний нүдэнд үл харагдах биеэс бодьсадва нар хүмүүсийн тусын тулд ийн зүтгэж байдгийг ойлгоход туслах юм. Далд ухаан судлаачдын дэвшүүлсэн нэгэн баримтлалаар Шамбалын орон Гималайн нурууны хавьд газрын дээр эфирэн хэлбэрээр оршдог гэж үзсэн байна. Энэ эфир нь эгэл бөөмсийн оршин тогтнох хэлбэр болох квантын талбайтай ойролцоо утгатай боловч бүүр нарийн юм. Сансрын бүх бодит материаллаг биеийн өчүүхэн жижиг бөөм атомоос од гариг хүртэл түүний дотор хүний биеийг ч хүртэл эфир нэвтлэн оршдог байна. Сансрын цэнхэр сувд болсон эх дэлхий маань хүмүүс бидний муу муухай бодол хүслийн эрчим хүчээр бүтээсэн давхрага доор амьсгал нь давхцан, өвчлөн шаналж буйгаас экологийн тэнцвэр алдагдан шинэ шинэ байгалийн гамшигийн давтамж улам ихсэн өвчин тахал гарсаар байгаа билээ. Сэтгэл зүрхээ ариусган хүүхэд мэт цэвэр тунгалаг гэм хоргүй болж оюун ухаанаа арга ухааны хажуугаар билэг ухаанаар цэнэглэж баймааж нь хувь хүн дараагийн шинэ амьдралд хөл тавих эрхтэй болно. Удтал үргэлжилсэн Кали юга буюу харанхуй эрин дуусах явц үргэлжилж байна. Зүй зохицолынхоо дагуу харанхуй эриний сүүлээр цаг хугацаа маш их хурдасдаг байна. Үүний бодит илрэлийг бид амьдрал дээр харж байна. Өчигдөр л ойлгоход төвөгтэй байсан зүйлүүд өнөөдөр жирийн үзэдэл болж ахуйн сэтгэлгээнд маань хэвшчихсэн байх жишээтэй. Нөхцөл байдал арав дахин нягтрана гэж үзвэл түүнээс урган гарах боломжууд даруй зуу дахин нэмэгддэг ийм л үед бид амьдарлч байна. Нэгдмэл ертөнцийн их цөм соронзон төвөөс ирэх бурханлиг туяа долоон бурхан одоор долоо задарч наашлан тэнгэрийн арван хоёр одоор дамжин нар түүний гаригууд дээр тус тус хугарч манай дэлхийд сая нэг ирдэг гэнэ. Шамбалын тэрхүү олон дамжлагаар дамжин ирсэн бурханлиг илч гэрлийг хугалан хүн төрлөхтнийг хүлээн авч боловсруулж чадах хэмжээнд давтамжийг нь намсган цацагч фокус гэж ойлгож болно. Тийнхүү Шамбалийн орноос шинжлэх ухааны ололт нээлт урлагийн сод бүтээл нийгмийн хүн төрлөхтний дэвшилд хүргэх импульсууд хүний гэгээрсэн тархи ариуссан гал халуун зүрхэнд тусч байдаг байна. Рерихын Оксфорд Кембриджийн их сургуулиуд дээр шагнал хүртсэн эрдэм шинжилгээний нэгэн бүтээлд бичсэнээр Шамбал бол ирээдүйн Кольфа сансрын шинэ эриний удирдах зарчим билээ.
Эх сурвалж: http://sarantuya.miniih.com/

Шамбалын орон тухай баримтууд

Баримт № 1

Ойрдvvд Лхасыг эзлэн тонох vед баруун ємнєд ууланд нь дайтаж явсан Ойрдын нэгэн бvлэг цэрэг нь Шамбалын орон руу нэвтэрсэн юм гэнэлээ. Тэгээд л нууцат их эрдмийн зах зухаас мэдэж ирсний учир эдvгээ ч чадварлаг ид шидтэн. зєнч тєлєгчид, тэдний дотор олон билээ. Харин Тvвдийн зvvн ємнєд хэсгийн бор царайт хvмvvс Шамбалын оронд нэвтрэн ороод тэндээ олон зуун жил болсны эцэст хєєгдєн гарч ирснийг цыганууд хэмээн нэрлэдэг байна. Тэд болбоос хєзєр, євс ургамал, хvмvvний алганы хээгээр мэргэлэхдээ тун чиг чадамгайн учир нь тэр бєлгєє. Шамбалын агуйгаас гарч ирсэн нэгэн цєєн тооны бvлэг хvмvvн эдvгээ ч Азийн хойд хэсэг орших агаад тэд болбоос vхэгсдийн сvнсийг дуудан ирvvлэх онцгой увидастай гэдэг.

Баримт № 2

Бурханыг таньсан анхны хvн сvслэх, итгэх, ад зэтгэр, алибан чєтгєртэй тэмцэх арга ухааныг хvмvvн нарт анх заасан өгчээ.